Dega e PD-se Bulqizë, takim me strukturat, për fushatën elektorale të zgjedhjeve të 25 qershorit.

Pas prezantimit të kandidatëve për deputet të PD-së në qarkun e Dibrës, nga ana e Kryetarit të kësaj partie, zotit Lulzim Basha, Dega e PD-së Bulqizë, ka ndezur motorët e fushatës, duke organizuar takime me strukturat, në Njësitë Administrative të bashkisë, në hapje të fushatës elektorale. Kështu një takim i tillë është zhvilluar në Ostren, ku kandidati për deputet i PD, Edmond Isaku, I shoqëruar nga kryetari I degës së PD, Defrim Fiku, janë takuar me Kryetarët dhe sekretarët e grup-seksionit dhe seksioneve përkatëse të kësaj njësie. Takimi ishte i ngrohtë dhe është zhvilluar në formën e një bashkbisedimi, në shërbim të maksimalizimit të votave për numrin.6 në fletën e votimit, për PD-në dhe kandidatin Edmond Isaku. Kryetari I degës së PD-së Defrim Fiku, në fjalën e tij, pasi përshëndeti të pranishmit, prezantoi kandidatin, ku garantoi fitoren e tij, pasi Edmond Isaku, është një kandidaturë mjaft e gjetur dhe e pranueshme jo vetëm nga e djathta, por edhe nga e majta.Në fjalën e tij përshëndetëse kandidati për deputet i PD-së, Edmond Isaku, pasi shpalosi në vija të përgjithshme programin electoral të PD-së, I cili në qendër të tij do të ketë familjen, arsimimin e fëmijëve dhe rritjen e mirqenies së banorëve për ti nxjerrë ata nga varfëria ku janë zhytur, pasi pa familje të shëndoshë ekonomikisht nuk mund të këtë shtet të fortë.