Delikatesa e ngrirë, e cila tashmë ka nderin e saj në Librin e Rekordeve Guinness, është e pasur me proteina, siç raporton gazeta amerikane “New York Post”.
Akullorja më e shtrenjtë në botë përbëhet nga një bazë qumështi, dy lloje djathi, të verdha veze dhe sake. Ka djathë parmixhano, tartuf të bardhë, vaj tartufi dhe fletë ari.
Akullorja nuk është shumë e ëmbël, shija e saj është e veçantë dhe disponohet e paketuar në një kuti të zezë elegante.
Paketa përfshin një lugë metalike të punuar me dorë të krijuar nga artizanë që përdorin materiale për ndërtimin e tempujve dhe faltoreve.
Një akullore 130 ml Byakuya gjendet aktualisht në faqen e internetit të kompanisë japoneze ‘Cellato’.
Tartufi i bardhë i përdorur për të bërë këtë akullore të veçantë vjen nga Alba, Itali dhe janë pjesë e një serie të cilësisë së lartë.
Për një kënaqësi më të madhe, kompania Cellato rekomandon që akullorja të zbutet pak para se ta servirni, në mënyrë që luga metalike të futet lehtësisht.
Hapi tjetër është të përzieni me vajin e përfshirë të tartufit dhe ta shijoni.
Përveç kësaj, kompania japoneze e akullores rekomandon kombinimin e akullores ‘Byakuya’ me një gotë verë të bardhë të vjetëruar.
Një nga përbërësit më interesantë të akullores më të shtrenjtë në botë është një mbetje nga prodhimi i sake, i njohur për shijen e frutave dhe strukturën si pastë, siç thekson botimi amerikan. Akullorja “Byakuya” nuk ka një datë skadence, por Cellato rekomandon konsumimin e saj brenda 10 ditëve për të shijuar plotësisht shijen e saj.
Akullorja u përgatit me ndihmën e Tadayoshi Yamada, kryekuzhinier në restorantin e famshëm “RiVi” në Osaka, i cili u përpoq të “përizente” shijet evropiane dhe japoneze për një kënaqësi të veçantë kulinare.
Shefit japonez iu deshën më shumë se një vit e gjysmë për të përsosur shijen e akullores, sipas një përfaqësuesi të kompanisë Cellato.