Natyrisht është një miqësore, por gjithsesi trajneri Silvinjo nuk ka dëshirë që Shqipëria e tij të bëjë figurë të keqe të martën ndaj Bullgarisë.
Përballja do të luhet në 17 tetor në orën 18:00 në “Arenën Air Albania”, dhe kuqezinjtë i kanë nisur tashmë përgatitjet.
Ekipi zhvilloi seancën e parë stërvitore, dhe burime pranë stafit të brazilianit tregojnë se priten ndryshime në formacion në krahasim me ndeshjen eliminatore të Europianit.
Diçka e logjikshme.
Në portë besohet se do të jetë Strakosha, në mbrojtje titullarë mendohen Balliu, Veseli e Mihaj, në mesfushë Gjasula e Laçi, e pastaj në fazën ofensive priten Muçi, Muja e Uzuni.
Nga skuadra u larguan sulmuesi Mirlind Daku që ka pasur një dëmtim, si dhe Keidi Bare që ka ndeshje në ligën e dytë të Spanjës me Espanjolin.
Me gjasë, Silvinjo mund të thërrasë ndonjë lojtar tjetër në ekip, që mund të jenë Arbnor Muçolli apo Marvin Çuni.