Pak orë para mbylljes së afatit zyrtar për dorëzimin e listave me emrat e kandidatëve për deputet në zgjedhjet parlamentare të 11 Majit koalicioni opozitar “Për Shqipërinë madhështore” ka publikuar emrat zyrtar që do të jenë përballë mazhorancës në këtë garë elektorale.
Xhelal Mziu dhe Denisa Vata do të jenë në 30% e listës së mbyllur ku votuesit nuk do të kenë mundësinë të japing votë preferenciale. Ndërkohë, i treti në listë që nis pjesa e hapur e saj është gazetari Basir Çollaku.
Alketa Agolli do të renditet e katërta në listën e Dibrës për tu pasuar me ish deputetin Xhemal Gjunkshi. Ish deputeti i Bulqizës Përparim Spahiu do të jetë i gjashti në listë dhe për tu mbyllur me kandidatin e shtatë që është Shpend Ndreu i cili vjen nga diaspora.
Listës zyrtare i mungojnë dy emra që morën shumë vota në zgjedhjet primare brenda PD me datë 1 Mars. Ish kryebashkiaku i Peshkopisë, Ilir Krosi nuk është në listë e po ashtu as ish kandidati për Kryetar të Bashkisë Dibër në zgjedhjet locale të 2023, avokati Ismail Uka.
Lista e mbyllur:
Xhelal Mziu
Denisi Vata
Lista e hapur
Basir Çollaku
Alketa Agolli
Xhemal Gjunkshi
Perparim Spahiu
Shpend Ndreu