Një aksident me pasojë vdekjen është regjistruar sot te ‘Shkalla e Tujanit’. Të paktën dy persona kanë ndërruar jetë pas përplasjes së motorit me një makinë.
Burime për mediat bëjnë me dije se një motor është përplasur me një automjet. Si pasojë e këtij aksidenti kanë humbur jetën dy të rinj, shoferi i motomjetit dhe pasagjeri.
Dy të rinjtë janë me origjinë nga Zall Bastari dhe sipas dëshmitarëve okularë nga përplasja e forte trupat e tyre kanë përfunduar në lumë.
Lidhur me këtë ngjarje deri më tani nuk ka një reagim nga policia, teksa në vijim priten më tepër informacione.