Një minator është plagosur mesditën e sotme në Bulqizë dhe është dërguar drejt spitalit të Dibrës.
Minatori punonte si ndihmës armator në një nga nivelet e galerisë AlbChrom.
Teksa punonte për ndërtimin e frontit të galerisë është shkëputur një tub, duke e goditur në këmbë.
Sipas mjekëve i plagosuri kishte vetëm një frakturë në këmbë por për mungesë të mjekëve kirurg në Bulqizë, është nisur në Peshkopi për mjekim më të specializuar.