E enjte, 10 Korrik, 2025

Lirohet nga burgu Ervin Salianji. Gjykata e Fierit pranon kërkesën e ish-deputetit demokrat, kreu 2/3 e dënimit

Ish-deputeti i Partisë Demokratike Ervin Salianji do të lirohet sot nga qelia, duke përfituar lirimin me kusht pas seancës së sotme dhe vendimit të marrë nga Gjykata e Fierit.

Në seancën e sotme në gjykatë Shërbimi i Provës ka paraqitur raport pozitiv për Salianjin, ndërsa edhe prokurori i çështjes ka shprehur dakordësinë për lirimin e tij.

Salianji ndodhej në burgun e Fierit prej shtatorit të vitit 2024, pasi u dënua me 1 vit burg me vendim të formës së prerë për kallëzim të rremë në lidhje me çështjen “Babale”.

Pas përfundimit të seancës, avokati i Salianjit, Ledio Braho u shpreh: “Gjykata e Fierit pas rekomandimeve pozitive dhe qëndrimit pozitiv të prokurorit mbi kërkesën e Ervin Salianjit, vendosi lirimin e zotit Salianji”.

Artikuj te ngjashem

Me te fundit