Si rezultat i punës hetimore për parandalimin dhe goditjen e zjarrvënieve të qëllimshme apo nga pakujdesia, specialistët për Hetimin e Krimeve të Komisariatit të Policisë Dibër referuan materialet në Prokurori, ku nisi procedimi penal në gjendje të lirë, për shtetasin S.S., 61 vjeç, banues në fshatin Dovolan.
Nga veprimet hetimore dyshohet se ky shtetas, nga pakujdesia ka ndezur zjarr në një zonë të fshatit dhe si pasojë janë djegur rreth 5 hektarë sipërfaqe toke me shkurre dhe bimësi.
Materialet procedurale i kaluan Prokurorisë pranë Gjykatës së Shkallës së Parë e Juridiksionit të Përgjithshëm Dibër, për veprime të mëtejshme.