Një 12 vjeçar me shtetësi të huaj është lënduar në ‘Gjirin e Gramës”, pranë Karaburunit, teksa u zhyt nga lartësia e një shkëmbi në det.
I mituri ka pësuar dëmtime në kokë, ndaj është kërkuar ndihmë mjekësore e menjëhershme.
Nga shërbimet e Stacionit të Policisë Kufitare Dhërmi, u transportua me mjet lundrues ekipi mjekësor drejt vendit të ngjarjes, ku të miturit iu dha ndihma e parë mjekësore. 12 vjeçari u transportua më pas drejt spitalit për trajtim të mëtejshëm.
Fatmirësisht është jashtë rrezikut për jetën.