E premte, 29 Mars, 2024

“Angazhim për forcimin e bashkëpunimit”, Rama takohet me homologun Sunak: Do luftojmë grupet kriminale

Kryeministri Rama është pritur në një takim nga homologu i tij britanik, Rishi Sunak në Mbretërinë e Bashkuar. Biseda mes tyre është bërë publike dhe Sunak ka theksuar se në fokus të takimit të tyre do të jetë çështja e emigracionit të paligjshëm shqiptar drejt Mbretërisë së Bashkuar.

Jam i kënaqur që do të diskutojmë për çështjen kaq shumë të diskutueshme sa është çështja e emigracionit të paligjshëm në Britaninë e Madhe. Mezi kam pritur që të kem këtë bisedë të drejtpërdrejtë me ju. Për të gjitha këto dhe të tjera, jam shumë i nderuar që do të diskutojmë sot“, tha ai.

Nga ana tjetër, kryeministri Rama i ka shprehur homologut të tij britanik se do të bashkojnë forcat për të luftuar grupet kriminale, teksa ka thënë se komuniteti shqiptar nuk është ai për të cilin shkruhet, por që përfaqëson të tjera vlera.

Është një moment i veçantë sa i përket bashkëpunimit tonë, siç e thatë dhe ju ne tashmë kemi bashkuar forcat për të luftuar rrjetet kriminale dhe të shmangim përfshirjen e njerëzve të pafajshëm në këtë vorbull. Në të njëjtën kohë, të falenderoj sepse kjo është një mundësi për të nënvizuar se jo të gjithë britanikët janë si James Bond apo Mr. Bean dhe jo të gjithë shqiptarët janë karaktere negativë, apo një djalë që vjen me varkë nuk është thjesht një shqiptar, por është pjesë e një panorame më të gjerë.

Dua Lipa nuk është vetëm një këngëtare britanike, por është dhe një emigrante që ka ardhur këtë, si shumë shqiptarë të tjerë që kanë ardhur për ndërtim, mjekësi, kuzhinë, që ndjehen jo vetëm të sigurt këtu por edhe të nderuar. Në aspektin e sigurisë kemi gjithë angazhimin për të forcuar bashkëpunimin. Jemi gati për të bërë më të mirën dhe ju ftoj në Tiranë sepse asnjë kryeministër britanik nuk e ka vizituar Shqipërinë që nga Winston Churchill”, shprehet Rama./btvnews.al

Artikuj te ngjashem

Me te fundit