Është zhvilluar këtë të Enjte mbledhja e radhës e drejtuesve të institucioneve vendore e qendrore në nivel vendor në Bulqizë me përfaqësues të prefekturës Dibër.
Në këtë mbledhje drejtuesit e institucioneve dhe përfaqësues të tyre, raportuan realizimin e detyrave për muajin që po lëmë pas tek Sekretarja e Prefektit të Qarkut Dibër, Donika Hysenaj.
Në fjalën e saj Zj. Hysenaj kërkoi nga të gjithë të pranishmit që të raportonin për realizimin dhe mos realizimin e të gjitha detyrave të lëna nga mbledhja e kaluar, ndërsa kërkoi me insistim që shërbimet ndaj qytetarëve të mos kenë burokraci.
Ndërkohë, një ndër problemet që u diskutua në këtë mbledhje ishte ai i aksidenteve në punë kryesisht në galeritë e nëntokës. Inspektoriati Shtetëror i Punës, paraqiti si problem mungesën e transparencës nga subjektet minerare.
Po ashtu, një tjetër problematikë ishte edhe ajo e mungesës së mjekëve të familjes në shumë zona të Bulqizës, të cilët kanë krijuar një problematikë të shtuar për komunitetin.
Pas këtyre diskutimeve, drejtuesit e institucioneve shprehën edhe planin e realizimit të objektivave për muajin e ardhshëm, realizime e të cilave do të pasqyrohen në mbledhjen e rradhës. /btvnews.al