Për rreth 2 orë, rrjetet sociale “Facebook” dhe “Instagram” dolën jashtë përdorimit në mbarë botën. Përdoruesve që përpiqeshin të hynin në faqet e internetit apo aplikacioneve u shfaqeshin mesazhet gabim dhe nuk mund të rifreskonin faqet kryesore si normalisht.
Pasi problemi u rregullua, kompania mëmë “Meta” u kërkoi falje përdoruesve duke thënë se “një çështje teknike” shkakoi rënien e rrjeteve sociale dhe u zgjidh sa më shumë shpejt që ishte e mundur. Uebfaqja e gjurmimit “Downdetector” tregoi se ndërprerjet kishin prekur shumë vende në botë, mes të cilave edhe Shqipëria.
Platformat e “Metës” janë disa nga më të njohurat në botë. Facebook ka 3 miliardë përdorues aktivë mujorë, ndërsa Instagram pritet të arrijë në 1.4 miliardë në mbarë botën më vonë këtë vit. Threads, rivali i tij me Twitter, që u lançua në vitin 2023, raportoi gjithashtu ndërprerje. WhatsApp, të cilin Meta e zotëron gjithashtu, nuk u ndikua.
Ndërprerja më e madhe që përjetoi Meta ishte në vitin 2021, kur themeluesi Mark Zuckerberg kërkoi falje. Në atë rast, shërbimet e Facebook, Messenger, Whatsapp dhe Instagram nuk funksionuan për gati gjashtë orë