Policia e Firences ka zbuluar një “fabrikë” droge brenda një magazine në Sesto Fiorentino dhe kanë arrestuar në flagrancë një person me origjinë shqiptare. Gjatë kontrollit, policia zbuloi se brenda magazinës kishte makineri të shumta që përdoreshin për kultivimin, ujitjen, ndriçimin, tharjen dhe paketimin e marijuanës.
Gjithashtu, u sekuestrua një plantacion me 729 bimë kanabisi të rritura në vazo të posaçme brenda tre serave dhe 53.3 kg marijuanë, e cila ishte e paketuar gati për shitje.
Vetëm tregtimi i lëndës narkotike gati për shitje do të sillte të ardhura rreth 200 mijë euro për arkën kriminale.