Ditën e sotme vendi ynë do të jetë nën ndikimin e kushteve atmosferike relativisht të paqëndrueshme. Moti parashikohet me alternime vranësirash dhe intervale kthjellimi kryesisht në orët e pasdites.
Sipas Shërbimit Meteorologjik Ushtarak reshjet e shiut me intensitet të ulët pritet të jenë prezente në veri të vendit dhe përgjatë zonave bregdetare.
Në zonat malore në veri të vendit reshjet pritet të jenë në formën e dëborës me intensitet të ultë. Era do të jetë nga verilindja-juglindja me shpejtësi mesatare 1-8m/s, duke bërë që valëzimi në dete të jetë i forcës nga 1 ballë.
Temperaturat parashikohen: në zonat malore nga -2 deri në 6°C, në zonat e ulëta nga 1 deri në 12°C dhe në zonat bregdetare nga 3 deri në 13°C./btvnews.al