Kryetari i komanduar i Partisë Demokratike, Enkelejd Alibeaj ka reaguar pasi Gjykata e Apelit i dha legjimitetin e drejtimit të partisë.
Në një reagim në mediat sociale, Alibeaj shkruan se vendimi i gjykatës vjen si ogur i mirë për demokratët që po kalojnë një periudhë të vështirë.
“Vendimi i sotëm i Gjykatës së Apelit vjen si një ogur i mirë për demokratët, që prej më shumë se 1 viti po kalojnë një periudhë të vështirë.
Kjo është dita kur të gjithë ne, demokratët duhet të jemi më të bashkuar se kurrë për tu përballur me regjimin e Edi Ramës dhe të lëmë mënjanë grindjet dhe mosmarrveshjet mes nesh të shkaktuara nga mentaliteti i vjetëruar i politikës shqiptare.
Ftojmë të gjithë demokratët që të lenë mënjanë pakënaqësitë dhe të jemi bashkë në përballjen e 14 Majit. Me kandidatët më të mirë që nuk vendosin interesin personal të askujt mbi interesin e demokratëve.
Nuk është ditë triumfi për askënd. Është ditë reflektimi i thellë, për ato që kemi kaluar dhe për te perballuar të ardhmen, që nuk është e thjeshtë, por as e pamundur. Për tu dhënë shqiptarëve ditë më të mira”, është ky reagimi i Alibeajt./btvnews.al