Ish-kryeministri Sali Berisha, nga Lushnja ku prezantoi kandidatin për këtë bashki, komentoi dhe arrestimin e Leftër Allës nga SPAK.
Në fjalën e tij, Berisha tha se Alla është arrestua se nuk donte të largohej edhe pse një gjë e tillë i ishte kërkuar, por ai donte që të kandidonte sërish.
“Arrestuan për një tender 2 milion euro narkomanin e Bulqizës, e arrestuan se nuk pranoi të largohej, donte të kandidonte patjetër dhe ia mbanin dosjen. Ja ku e keni, kryebashkiakun e Fierit, i cili tokën bujqësore e shpall truall për të vjedhur, burgosen vartësit dhe jo kryesori”, deklaroi Berisha.
Lefter Alla, u arrestua mbrëmjen e djeshme nga SPAK pasi akuzohet se ka abuzuar me një tender rreth 2 milionë euro për ujësjellësin e qytetit./btvnews.al