Një ngjarje e rëndë është regjistruar pasditen e sotme në Kavajë. Policia njofton se dy persona janë përfshirë në një konflikt të çastit dhe kanë qëlluar me armë ndaj njëri-tjetrit.
Si pasojë e plagëve të marra, kanë mbetur të vdekur të dy person e moshës 43-vjeçare.
NJOFTIMI I POLICISË
Më datë 29.03.2023, në Kavajë, tek kryqëzimi i valutës, ka ndodhur një konflikt midis dy shtetasve, ku shtetasi Edmond Gosa 43 vjeç, ka plagosur me thikë shtetasin Altin Rexha, 43 vjeç, ndërsa ky i fundit ka plagosur me armë zjarri shtetasin Edmond Gosa.
Si pasojë e plagëve të marra të dy shtetasit e përfshirë në konflikt, kanë ndërruar jetë në spital.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Në përfundim të veprimeve paraprake në vendngjarje, do të kemi një informacion vijues./btvnews.al