Ky është 59 vjeçari Kismet Balja nga Bulqiza.
Prej më shumë se 14 vitesh ai është kthyer në një hero për bashkëshorten e tij, Florën e cila pas një sëmundje të beftë dhe të rëndë ka mbetur e paaftë për të punuar.
Por, edhe ai vetë është i papunë për shkak se nuk ka ku ta lërë bashkëshorten. Kismeti tregon se vetë merr vetëm 3 mijë lekë të rinj ndihmë ekonomike, por as pensioni i saj e as ndihma ekonomike nuk mjaftojnë për të marrë ilaçet e bashkëshortes të cilat kushtojnë 25 mijë lekë të rinj në muaj.
Kismeti kërkon që të përfitojë të paktën pensionin e kujdestarisë pasi ai është i vetmi që i shërben dhe kjo e ka penguar që edhe të punojë diku tjetër. Familja e ka të pamundur të përballojë shpenzimet e ilaçeve për Florën, ndaj apeli i kryefamiljarit shkon për institucionet shtetërore dhe këdo që ka mundësi ekonomike ta ndihmojë.Kismet Balja shpresojnë që institucionet të reagojnë dhe t’i ofrojnë ndihmën e nevojshme familjes së tij. /btvnews.al