Policia e Divjakës ka reaguar për grabitjen e ndodhur pasditen e sotme në këtë qytet. Në një njoftim për mediat, policia bën me dije se grabitja ka ndodhur në një pikë të këmbimit valutor, ku një person i vetëm nën kërcënimin e armës ka vjedhur një shumë parash.
Autoritetet sqarojnë se janë ngritur pika kontrolli dhe vijon kontrolli i zonës për të bërë të mundur kapjen e autorit.
NJOFTIMI I PLOTË I POLICISË
Pasditen e sotme, në qytetin e Divjakës, në një pikë këmbimi valutor, një person i vetëm, ende i paidentifikuar dyshohet se nën kërcënimin e armës ka vjedhur një shumë parash dhe më pas është larguar me shpejtësi.
Nga ana e Policisë janë ngritur pika kontrolli dhe vijon kontrolli i zonës për të bërë të mundur kapjen e autorit.
Grupi hetimor ndodhet në vendin e ngjarjes dhe vijon punën për fiksimin e çdo prove materiale që do shërbejë për zbardhjen e ngjarjes, identifikimin dhe kapjen e autorit./btvnews.al