Uljet e temperaturave në -5 gradë janë shoqëruar me reshje dëbore gjatë natës dhe ditës së sotme. Ndërkohë reshjet e dëborës janë shoqëruar me erë të fortë dhe ngrica në rrugët nacionale dhe ato rurale duke vështirësuar qarkullimin e automjeteve.
Ndërkohë në aksin rrugor Bulqizë-Peshkopi dhe Bulqizë në drejtim të Tiranës ka vijuar kriposja e rrugës nga ana e firmës kontraktore. Vështirësi në qarkullim ka edhe në rrugën e Arbërit në Bypass-in në Qaf Murriz.
Vështirësi në qarkullim ka edhe rrugët e minierave ku transportohen minatorët e Zonës D të Bulqizës si dhe tek minierat e Martaneshit dhe Tërnovës ku kalimi bëhet me zinxhirë.
Vështirësi në qarkullim par shkak të ngricave ka edhe në rrugët rurale të njësive administrative në Ostren, Trebisht, Martanesh si dhe rrugët e disa fshatrave të njësive të Zerqanit dhe Fushë Bulqizës.
Aktualisht trashësia e dëborës në qytet arriti ne 3 centimetër, ndërsa në njësitë administrative Ostren, Trebisht, Martanesh, Zerqan e Fushë Bulqizë trashësia e dëborës vijon nga 5 centimetra deri në 25 centimetra në zonat e thella. Era e fortë ka rikthyer problemin e ndërprerjes së energjisë elektrike në disa zona të thella, ndërsa po punohet për rikthimin e rrymës tek abonentët./btvnews.al