Policia e Bulqizës ka parandaluar një ngjarje të rëndë këtë të martë. Mësohet se shtetasi Halit Markja, 31-vjec ka dhunuar nënën, duke i shkaktuar lëndime në trup, pas një konflikti më familje.
Si pasojë, menjëherë kanë ndërhyrë blutë, të cilën e kanë arrestuar të riun.
Njoftimi i Policisë:
Ushtroi dhunë fizike ndaj nënës së tij, dhe i shkaktoi lëndime në trup, ndërhyrja në kohë e Policisë parandalon përshkallëzimin e mëtejshëm të konfliktit dhe arreston në flagrancë 31-vjeçarin.
Shërbimet e Komisariatit të Policisë Bulqizë, pas marrjes së njoftimit, për një konflikt që po ndodhte në një familje, menjëherë shkuan në adresën e dhënë.
Si rezultat i ndërhyrjes në kohë dhe veprimeve të shpejta profesionale, u parandalua përshallëzimi i mëtejshëm i konfliktit dhe u arrestua në flagrancë shtetasi 31 vjeç, banues në Bulqizë. Ky shtetas, është konfliktuar dhe ka dhunuar fizikisht nënën e tij, duke i shkaktuar dhe lëndime trupore.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme. #btvnews.al